Глас 4

Во црⷭ҇твїи твое́мъ помѧнѝ на́съ, гдⷭ҇и, є҆гда̀ прїи́деши во црⷭ҇твїи твое́мъ.
Бл҃же́ни ни́щїи дꙋ́хомъ, ꙗ҆́кѡ тѣ́хъ є҆́сть црⷭ҇тво нбⷭ҇ное.
Бл҃же́ни пла́чꙋщїи, ꙗ҆́кѡ ті́и ᲂу҆тѣ́шатсѧ.
Бл҃же́ни кро́тцыи, ꙗ҆́кѡ ті́и наслѣ́дѧтъ зе́млю.
Бл҃же́ни а҆́лчꙋщїи и҆ жа́ждꙋщїи пра́вды, ꙗ҆́кѡ ті́и насы́тѧтсѧ.
Бл҃же́ни млⷭ҇тивїи, ꙗ҆́кѡ ті́и поми́ловани бꙋ́дꙋтъ.

На и҃

Дре́вомъ а҆да́мъ раѧ̀ бы́сть и҆зселе́нъ: дре́вомъ же кре́стнымъ разбо́йникъ въ ра́й всели́сѧ. ѻ҆́въ ᲂу҆́бѡ вкꙋ́шъ, за́повѣдь ѿве́рже сотво́ршагѡ: ѻ҆́въ же сраспина́емь, бг҃а и҆сповѣ́да таѧ́щагосѧ, помѧни́ мѧ, вопїѧ̀, во црⷭ҇твїи твое́мъ.

Сті́хъ: Бл҃же́ни чи́стїи се́рдцемъ, ꙗ҆́кѡ ті́и бг҃а ᲂу҆́зрѧтъ.

Вознесы́йсѧ на крⷭ҇тъ, сме́ртнꙋю разрꙋши́вый си́лꙋ, и҆ загла́дивый ꙗ҆́кѡ бг҃ъ є҆́же на ны̀ рꙋкописа́нїе гдⷭ҇и, разбо́йниче покаѧ́нїе и҆ на́мъ пода́ждь є҆ди́не чл҃вѣколю́бче, вѣ́рою слꙋжа́щымъ, хрⷭ҇тѐ бж҃е на́шъ, и҆ вопїю́щымъ тѝ: помѧнѝ и҆ на́съ во црⷭ҇твїи твое́мъ.

Сті́хъ: Бл҃же́ни миротво́рцы, ꙗ҆́кѡ ті́и сы́нове бж҃їи нарекꙋ́тсѧ.

Рꙋкописа́нїе на́ше на крⷭ҇тѣ̀ копїе́мъ раздра́лъ є҆сѝ, и҆ вмѣни́всѧ въ ме́ртвыхъ, та́мошнѧго мꙋчи́телѧ свѧза́лъ є҆сѝ, и҆зба́вивый всѣ́хъ ѿ ᲂу҆́зъ а҆́довыхъ воскрⷭ҇нїемъ твои́мъ, и҆́мже просвѣти́хомсѧ чл҃вѣколю́бче гдⷭ҇и, и҆ вопїе́мъ тѝ: помѧнѝ и҆ на́съ во црⷭ҇твїи твое́мъ.

Сті́хъ: Бл҃же́ни и҆́ згнани пра́вды ра́ди, ꙗ҆́кѡ тѣ́хъ є҆́сть црⷭ҇тво нбⷭ҇ное.

Распны́йсѧ и҆ воскр҃сы́й ꙗ҆́кѡ си́ленъ и҆з̾ гро́ба тридне́венъ, и҆ первозда́ннаго а҆да́ма воскр҃си́вый є҆ди́не безсме́ртне: и҆ менѐ на покаѧ́нїе ѡ҆брати́тисѧ гдⷭ҇и, сподо́би ѿ всегѡ̀ се́рдца моегѡ̀, и҆ те́плою вѣ́рою при́снѡ взыва́ти тѝ: помѧни́ мѧ сп҃се во црⷭ҇твїи твое́мъ.

Сті́хъ: Бл҃же́ни є҆стѐ, є҆гда̀ поно́сѧтъ ва́мъ, и҆ и҆зженꙋ́тъ и҆ рекꙋ́тъ всѧ́къ ѕо́лъ глаго́лъ, на вы̀ лжꙋ́ще менѐ ра́ди.

На́съ ра́ди и҆́ же безстра́стенъ стра́стный бы́сть человѣ́къ, и҆ во́лею на крⷭ҇тѣ̀ пригвожде́йсѧ, на́съ совоскр҃сѝ, тѣ́мже и҆ сла́вимъ со крⷭ҇то́мъ стрⷭ҇ть и҆ воскрⷭ҇нїе, и҆́ миже возсозда́хомсѧ, и҆́ миже и҆ сп҃са́емсѧ, взыва́юще: помѧнѝ и҆ на́съ во црⷭ҇твїи твое́мъ.

Сті́хъ: Ра́дꙋйтесѧ и҆ весели́тесѧ, ꙗ҆́кѡ мзда̀ ва́ша мно́га нанб҃ сѣ́хъ.

Воскрⷭ҇шаго и҆з̾ ме́ртвыхъ, и҆ а҆́довꙋ держа́вꙋ плѣни́вшаго, и҆ ви́дима жена́ми мѷроно́сицами, ра́дꙋйтесѧ, глаго́лющаго, вѣ́рнїи ᲂу҆мо́лимъ, ѿ и҆ стлѣ́нїѧ и҆ зба́вити дꙋ́шы на́шѧ, зовꙋ́ще всегда̀разбо́йника бл҃горазꙋ́мнагѡ гла́сомъ къ немꙋ̀: помѧнѝ и҆ на́съ во црⷭ҇твїи твое́мъ.

Сла́ва ѻ҆ц҃ꙋ̀, и҆ сн҃ꙋ , и҆ ст҃о́мꙋ дх҃ꙋ.

Ѻ҆ц҃а̀, и҆ сн҃а, и҆ ст҃а́го дх҃а, всѝ є҆диномꙋ́дреннѡ вѣ́рнїи славосло́вити досто́йнѡ помо́лимсѧ: є҆ди́нство бж҃ества̀, въ трїе́хъ сꙋ́щее ѵ҆поста́сехъ, неслїѧ́нно пребыва́ющее, про́сто, нераздѣ́льно и҆ непристꙋ́пно, и҆́мже и҆збавлѧ́емсѧ ѻ҆́гненнагѡ мꙋче́нїѧ.

И҆ ны́нѣ и҆ при́снѡ, и҆ во вѣ́ки вѣкѡ́въ. А҆ми́нь.

Мт҃рь твою̀ хрⷭ҇тѐ, пло́тїю без̾ сѣ́мене ро́ждшꙋю тѧ̀, и҆ дв҃ꙋ вои́стиннꙋ, и҆ по ржⷭ҇твѣ̀ пребы́вшꙋ нетлѣ́ннꙋ, сїю̀ тѝ приво́димъ въ моли́твꙋ, влⷣко многомлⷭ҇тиве,прегрѣше́нїй проще́нїе да́рꙋй, всегда̀ вопїю́щымъ тѝ: помѧнѝ и҆ на́съ во црⷭ҇твїи твое́мъ.

Глас 4-й